Thursday 6 August 2009

AN KULLE BASHIR DANDAGO A JARUN

Shugaban Hukumar Hukunta 'Yan Fim ta Jihar Kano, Malam Abubakar Rabo, ya cika alkawarin sa na cewa sai ya d'aure daya daga cikin fitattun mawakan Kano, wato Malam Bashir Dandago. Domin kuwa a yau dai jami'an hukumar sun kama shi, sun gurfanar da shi a gaban kotun hukunta 'yan fim.

Haka kuma an kama wani matashi mai suna Kabir Maulana.

Laifin da ake tuhumar su da shi, shi ne: wai sun saki faifan wakar 'Tsangayar Kura' (mai dauke da wakar nan ta "Hasbunallahu" ) bayan hukuma ta hana sakin faifan a Kano.

A kotu, su Dandago sun ce, "Not guilty." To amma Alkali Mukhtar Ahmed, kamar yadda ya saba yi, ya hana belin su, ya tura su gidan yari. Ya ce a dawo ran Litinin a ci gaba da magana. Manufa ita ce, su ma dai sun yi zaman jarun.

Ga wadanda su ka saurari wakar "Hasbunallahu, " za su tuna da cewa akwai muryar Malam Bashir Dandago a ciki. To, da ma kaska ta na da haushin kifi.

Shi dai Dandago, ya yi fice ne a fagen wakokin yabon Manzon Allah (SAW), wato wakokin bege. A cikin 2009 ne aka ji muryar sa a wakar "Hasbunallahu, " wanda hakan ya kara wa wakar karfi da karsashi. A wata hira da ya yi da 'yan jarida kwanan baya, Dandago ya ce ya yi wakar ne domin ya taimaka wajen murkushe zaluncin da ake yi a Kano.

Kwanan nan kotun ta su "Asabe Murtala" ta daure jagaban wakar "Hasbunallahu, " wato Malam Aminuddeen Ladan Abubakar (ALA), a gidan yari. Za a ci gaba da shari'ar sa a makon gobe.

Majiya ta ce gurfanar da Rabo da 'yan fim su ka yi a ofishin 'yan sanda na Metro kwanan nan ya k'ara hayaka malamin, har ya sha alwashin yin ramuwa.

Majiyar ta ce don haka dai kwanan nan hukumar za ta kama wasu mata daga cikin 'yan fim, musamman mawakan da ke cikin su. Sannan majiyar ta ce ana nan ana hak'on wani dan fim, tare da shan alwashin cewa a gidan yari zai yi azumin Ramadan.

"Zalunci ba zai dore ba" - Maryam A. Baba, a wakar "Rabo, Rabo"

Tuesday 4 August 2009

Ba gyara Rabo ya zo yi ba

A gaskiya, ko kadan ba da nufin gyaran harkar fim Malam Abubakar Rabo ya zo ba. Ya dai zo yin gyaran gangar Abzinawa ne - wato kid'an ganga da lauje! Abin da ya sa na fadi haka shi ne, kusan dukkan muhimman matakan da Rabo ya dauka a kan wannan harkar, ya dauke su ne da nufin durkusar da harkar. Ga hujjoji na:

1. Tun daga ranar farko ta kama aikin sa, ya dukufa wajen b'ata sunan 'yan fim. Ba wai a yau ya fara ba.

2. Duk wasu shawarwari nagari da 'yan fim din da sauran jama'ar gari su ka ba shi na yin gyaran da ya dace, bai dauka ba.

3. Duk wani zaman shawara da 'yan fim su ka yi da shi, aka zartar da shawarwari, bai taba aiwatar da ko daya ba; sai ma ya rika yi masu yankan baya bayan an tashi daga zaman.

4. Rabo ya zagaya jihohin Arewa da dama inda ya bukaci magabatan jihohin da su zartar da kudirorin hana yin sana'ar fim.

5. A kan d'an k'aramin laifi, Rabo ba ya tausaya wa d'an fim, sai kurum ya sa a kulle shi ko kuma kotu ta yi masa babbar tara.

6. Ya sa an kulle 'yan fim din da ba su aikata laifin komai ba, musamman Hamisu Iyan-Tama, don kurum ya fashe wani haushi nasa na son rai.

7. Har yau bai karbo wani agajin kudi daga gwamnati ya raba wa 'yan fim ba don inganta sana'ar su ko kuma ci gaba da yin sana'ar.

8. Ya dauki masu shawara tagari a matsayin abokan adawa ko ma abokan gaba, duk da yake su ba hakan su ka dauke shi ba.

9. Ba ya yarda ya tafi tare da masu ba shi shawara, sai 'yan kore wadanda ke gaya masa abin da kunnen sa ya ke so ya ji.

10. A kullum kokarin sa shi ne ya gano hanyar da zai bi ya nakasa 'yan fim da sana'ar su, ba hanyar da zai taimaka masu su ci gaba ba.

11. Duk wata bita da ya shirya da nufin wai gyaran fim, idan ka duba da kyau sai ka ga da biyu aka yi, ba wai an yi ba ne don gyara sana'ar. Domin ko su wadanda ake zaba su shiga bitar, sai an tsamo 'yan kore, 'yan a-bi-Yarima- a-sha-kida, sannan a yi da su.

12. Yau shekarar Rabo biyu a kan mulkin, me ya kulla na kawo gyara?

Police Arrest Kano Censors Board DG

By Nasir Gwangwazo, Kano

Director-General of the Kano State Censorship Board, Malam Abubakar Rabo Abdulkareem, was yesterday arrested by the police over a complaint filed against him by the Kano State Filmmakers Association.

A reliable source told LEADERSHIP last night that Rabo had been dragged to a Sharia Court in Sabon Gari, Kano, by members of the association over an allegation credited to him, in which he was said to have described movie makers as a bunch of homosexuals and lesbians during an interview he granted Radio Kano recently.

In the interview, a copy of which was made available to LEADERSHIP, Rabo stated that he had proof that many of the filmmakers were gay, saying his intervention in the industry had helped sanitise the situation.

The statement incensed the filmmakers, and they wrote him a letter demanding a retraction and an apology within 48 hours.

But at a follow-up press conference recently in Kano, the director-general repeated his claim, warning that he would publish more damning reports about the alleged immorality in the industry if pressed further.

The association went ahead with its threat, suing him before the Sharia court, which was said to have advised the association to report the matter to the police first.
According to a member of the association and the immediate former chairman of the state chapter of Association of Nigerian Authors (ANA), Malam Ado Ahmad Gidan Dabino, Rabo was picked up yesterday by two plain-clothes policemen at about 4pm and taken to the Metro police station located on Bank Road in the city, following a complaint by the filmmakers.

At the police station, three leaders of the moviemaking association - Nura Hussain, Ahmad Alkanawy and Isma’ila Afakalla - endorsed the association's formal complaint, which Rabo reportedly denied.

According to Gidan Dabino, the case is due for hearing at the Sharia Court, Fagge, today.

When our correspondent contacted Rabo on phone last night, however, he denied knowledge of the issue, saying he was in a meeting and promptly switched off.

Published in LEADERSHIP today